السلام عليكم ورحمة الله وبركاته
عاملين ايه يا جماعة
انتشرت اوى حكاية البت اللى لابسها جنى
واللى طلعت فى قناة النهار فى برنامج صبايا زى ما كلنا عارفين
واللى هاتستمر 3 جلسات......ليه يعنى دكتور سنان
واحدة خلع واتنين حشو
هو لازم يعنى يفضحوا البت دى
طب مين هايرضا يتجوزها لما تكبر....مش مهم الحتة دى
المهم دلوقتى الشيخ اللى بيطلعوا....ليه يطلعوا فـ3 حلقات يعنى
كدا الشيخ دا مش كفائة والمفروض يشوفوا واحد تانى يطلع الجنى
وبعدين هم حبكت دلوقتى يهتموا بالجن
انا ما اعرفش غير 3 بس من الجن
اتنين منهم كانوا فـ كاررتون fairly odd parents
على ما اظن كان اسمهم كوزمو وواندا
والتالت كان الجنى الازرق
ودا طبعا كلنا عارفينه عشان كان ساكن فى مصباح علاء الدين
يعنى البت دى بردو ساكنها عفريت
يعنى كدا اى حد هايدعكها(ماحدش يفهمنى غلط)هايطلعله الجنى ويقوله شبيك لبيك عبدك وبين ايديك
ويتمنى 3 امنيات
بس مش طالبا غباء وتعملى فيها زى الواد ابو كارتونا
اللى بيقول انا عاوز...كومبيوتاااااار...........خووووددددد
اطلب منه طلبات حلوة كدا وجميلة
ولا انت تطلب من الجنى ليه....انت اطلب من اللى خلقه وخلقك
دا حتى غلط لما الواحد يخاف من جنى اكتر من اللى خلق الانس والجن
وقبل ما امشى احب اقول للناس اللى خايفة تنام ان الجنى مش هايلبسكوا انتوا مخصوص
اللى اعرفه ان الجنى بيلبس الناس اللى بتأذيه
يعنى واحد يضرب كلب ملبوس
واحد يرش ماية سخنة على الحمام من غير ما يزكر اسم الله
هم دول الحاجات اللى اعرفهم وممكن يكونوا غلط
واحب اقول للناس "لن يصيبنا الا ما كتب الله لنا"
وما تنسوناش من تعليقاتكوا
وما تنسوش تجربوا القصب بالتمر
ودمتم سالمين
