السلام عليكم ورحمة الله وبركاته
الفيس بوك زى ما كلنا عارفين موقع تواصل اجتماعى
واتعمل عشان يوصل الناس ببعض
وعشان يسرقوا (يقلبوا) من الناس اللى زى حالاتنا فلوس
فا عملوا لعب كتير فيه
وحاليا بيخلوا نوعين من الفلوس فى اى لعبة
الاول نوع ممكن تكسبه من اللعبة ودا بيكون حسب نوع اللعبة
وفى الغالب بتكسبه لما بتعمل مهمات حسب اللعبة
والنوع التانى بيكون نوع رخم وكلنا نفسنا يكون معانا
ودا بييجى كل فين وفين وفبعض اللعب ما بيجيش اصلا
ومن خلاله ممكن الواحد يشترى حاجات كتير
بس اللعبة عملاه عشان تقلب بيه المغفلين اللى بيدفعوا فلوس حقيقية
بس مش دا موضوعنا
النهارده انا هاتكلم عن المزرعة السعيدة
واللعبة دى فى الاصل متقلدة عن لعبة اسمها county life
بس المزرعة الخنيقة فيها اضافات اكتر من حيث النباتات والحيوانات و.....إلخ.
والفرق بين اللعبتين هو اللغة وحاجات بسيطة
اول لما المزرعة العبيطة دى نزلت خشيت شوفتها وما عبرتهاش بعد كدا
بس بعديها بكام شهر لاقيت ان عليها اقبال رهيب
ولاقيت ان الناس مهتمة بيها جدا
لدرجة ان فى ناس عمرها ما عبرتنى بتكلمنى فى الشات مصلحة عشان ابعتلهم درة او فرخة
عالم بخيلة....الدرة بتتزرع وبتطلع بسرعة والفرخة رخيصة مش غالية
واللى يشلنى اكتر لما الاقى واحد بيقولى سمدلى الزرع بتاعى....بكون عايز اقوله:واكيد مامى فرخة؛عشان تجيب الصفار والبياااااااض دا كله
وياريتهم فضلوا على الحال دا........
دا انا قريب لاقيت الناس بيستعبطوا ناس تانيين وبيعملوا حركة عبيطة وبقت مفقوسة
بيدحكوا عالناس وبيقولوا:حقيقيه ولأول مره عالفيس بوك فريق المزرعه السعيدة بإدارة زين يقدم هدايا لجميع المشتركين ادخل واختر هديتك بسرعه قبل إلغاء التطبيق من هنا ::
وبيكتبوا حاجات تانية كتير
وياعينى الناس لما تخش بيدحكوا عليهم وبيقولوا اعملوا الخطوات دى
واولهم اعمل لايك للصفحات دى
والمصيبة انهم مش بيجيبوا اسم صفحة من الصفحات دى
يعنى ممكن تخش فى صفحتك وتلاقى نفسك عامل لايك لحاجة انت مش عارفها اصلا واول مرة تشوفها فحياتك
والخطوة التانية دوس على الكلمة دى share مشاركة وبتتحط فى صفحتك والناس بتخش تعمل زى ما انت عملت بالظبط
واللى بعديها انك تنسخ الكلام دا وتحطه فى 10 اماكن مختلفة
وبكدا بردو الناس هاتتخدع وهاتخش هى كمان
وفى الآخر يقولك ابعتها لكل اللى فاتحين عندك
ولما تخلص الخطوات ياعينى وانت عايز تكسب فلوس فى اللعبة
هايقولك انك ما عملتش الخطوات كويس او هايستعبطك ويقولك ان فى خلل او عطل والبس يا معلم الصفحات اللى عملتلها اعجاب والناس اللى عملت زيك عالفاضى
واحد هايسألنى هم بيستفادوا ايه؟!
هاقولك ان الناس دى بتكون عاملة صفحات او ليهم صحاب عاملين صفحات
فا هم بياخدوا الصفحات دى ويجمعوها ويقولك دوس لايك
وطبعا كل اللى عندوا صفحة نفسه تكون مليانة بالناس
دا اغلبية الصفحات بتحط صور وبيكون مكتوب فيها الهدف بتاعهم زى 100,000
فا هم بيعملوا كدا عشان كدا
والافضل لما حد يحطلك اى حاجة من الحاجات دى فى صفحتك او يبعتهالك فى رسالة
الافضل انك تقوله انها كدب وان الناس اللى عاملينها كدابين
وبيخدعوا الناس عشان يجيلهم لايكات كتير
نرجع للمزرعة السخيفة
بعد التحريات المكثفة اللى اجراها عملائنا قدرنا نكتشف ان الحكومة بعد اما نزلت حرب امبابة فى الاسواق
والناس عملت ثورة عليهم فا نزلوا المزرعة السعيدة عشان يلاغوهم بيها
يعنى مش عيب عليك لما تفتح الفيس وقال ايه P: هاحصد الزرع
اكبر يا اخى وفكك منها
وفى نهايتى للحلقة دى احب اقول للناس اللى بتلعب المزرعة
فكروا فى اللى انتوا بتعملوه وسيبوا اللعبة الهبلة المتخلفة دى
واللى هايقولى انها وسيلة للتسليقة وبنقضى بيها وقت فراغنا
فا انا احب اقولك انها لعبة هبلة وفى لعب تانبة عالفيس احسن منها زى yoville -wild ones -ninja saga-shadow fight
يلا كفاية كدا عليكوا
الفيس بوك زى ما كلنا عارفين موقع تواصل اجتماعى
واتعمل عشان يوصل الناس ببعض
وعشان يسرقوا (يقلبوا) من الناس اللى زى حالاتنا فلوس
فا عملوا لعب كتير فيه
وحاليا بيخلوا نوعين من الفلوس فى اى لعبة
الاول نوع ممكن تكسبه من اللعبة ودا بيكون حسب نوع اللعبة
وفى الغالب بتكسبه لما بتعمل مهمات حسب اللعبة
والنوع التانى بيكون نوع رخم وكلنا نفسنا يكون معانا
ودا بييجى كل فين وفين وفبعض اللعب ما بيجيش اصلا
ومن خلاله ممكن الواحد يشترى حاجات كتير
بس اللعبة عملاه عشان تقلب بيه المغفلين اللى بيدفعوا فلوس حقيقية
بس مش دا موضوعنا
النهارده انا هاتكلم عن المزرعة السعيدة
واللعبة دى فى الاصل متقلدة عن لعبة اسمها county life
بس المزرعة الخنيقة فيها اضافات اكتر من حيث النباتات والحيوانات و.....إلخ.
والفرق بين اللعبتين هو اللغة وحاجات بسيطة
اول لما المزرعة العبيطة دى نزلت خشيت شوفتها وما عبرتهاش بعد كدا
بس بعديها بكام شهر لاقيت ان عليها اقبال رهيب
ولاقيت ان الناس مهتمة بيها جدا
لدرجة ان فى ناس عمرها ما عبرتنى بتكلمنى فى الشات مصلحة عشان ابعتلهم درة او فرخة
عالم بخيلة....الدرة بتتزرع وبتطلع بسرعة والفرخة رخيصة مش غالية
واللى يشلنى اكتر لما الاقى واحد بيقولى سمدلى الزرع بتاعى....بكون عايز اقوله:واكيد مامى فرخة؛عشان تجيب الصفار والبياااااااض دا كله
وياريتهم فضلوا على الحال دا........
دا انا قريب لاقيت الناس بيستعبطوا ناس تانيين وبيعملوا حركة عبيطة وبقت مفقوسة
بيدحكوا عالناس وبيقولوا:حقيقيه ولأول مره عالفيس بوك فريق المزرعه السعيدة بإدارة زين يقدم هدايا لجميع المشتركين ادخل واختر هديتك بسرعه قبل إلغاء التطبيق من هنا ::
وبيكتبوا حاجات تانية كتير
وياعينى الناس لما تخش بيدحكوا عليهم وبيقولوا اعملوا الخطوات دى
واولهم اعمل لايك للصفحات دى
والمصيبة انهم مش بيجيبوا اسم صفحة من الصفحات دى
يعنى ممكن تخش فى صفحتك وتلاقى نفسك عامل لايك لحاجة انت مش عارفها اصلا واول مرة تشوفها فحياتك
والخطوة التانية دوس على الكلمة دى share مشاركة وبتتحط فى صفحتك والناس بتخش تعمل زى ما انت عملت بالظبط
واللى بعديها انك تنسخ الكلام دا وتحطه فى 10 اماكن مختلفة
وبكدا بردو الناس هاتتخدع وهاتخش هى كمان
وفى الآخر يقولك ابعتها لكل اللى فاتحين عندك
ولما تخلص الخطوات ياعينى وانت عايز تكسب فلوس فى اللعبة
هايقولك انك ما عملتش الخطوات كويس او هايستعبطك ويقولك ان فى خلل او عطل والبس يا معلم الصفحات اللى عملتلها اعجاب والناس اللى عملت زيك عالفاضى
واحد هايسألنى هم بيستفادوا ايه؟!
هاقولك ان الناس دى بتكون عاملة صفحات او ليهم صحاب عاملين صفحات
فا هم بياخدوا الصفحات دى ويجمعوها ويقولك دوس لايك
وطبعا كل اللى عندوا صفحة نفسه تكون مليانة بالناس
دا اغلبية الصفحات بتحط صور وبيكون مكتوب فيها الهدف بتاعهم زى 100,000
فا هم بيعملوا كدا عشان كدا
والافضل لما حد يحطلك اى حاجة من الحاجات دى فى صفحتك او يبعتهالك فى رسالة
الافضل انك تقوله انها كدب وان الناس اللى عاملينها كدابين
وبيخدعوا الناس عشان يجيلهم لايكات كتير
نرجع للمزرعة السخيفة
بعد التحريات المكثفة اللى اجراها عملائنا قدرنا نكتشف ان الحكومة بعد اما نزلت حرب امبابة فى الاسواق
والناس عملت ثورة عليهم فا نزلوا المزرعة السعيدة عشان يلاغوهم بيها
يعنى مش عيب عليك لما تفتح الفيس وقال ايه P: هاحصد الزرع
اكبر يا اخى وفكك منها
وفى نهايتى للحلقة دى احب اقول للناس اللى بتلعب المزرعة
فكروا فى اللى انتوا بتعملوه وسيبوا اللعبة الهبلة المتخلفة دى
واللى هايقولى انها وسيلة للتسليقة وبنقضى بيها وقت فراغنا
فا انا احب اقولك انها لعبة هبلة وفى لعب تانبة عالفيس احسن منها زى yoville -wild ones -ninja saga-shadow fight
يلا كفاية كدا عليكوا
ليست هناك تعليقات:
إرسال تعليق